Xandreia Yu - 11

"Xandra, scuba diving tayo! May drop off dito. Maganda dun. 50 feet. Marami kang makikita." sabi ni Blue.


Nandito ako ngayon sa swing at nagpapatunaw ng mga kinain habang tinitignan ang dagat.


Yes, I love looking at the sea. But I didn't say that I want to dive on it.


"Drop off? Talaga? Wow. Ang ganda naman. Pero kasi, baka maging Red Sea yung dagat kapag lumusong ako."


Grabe Xandra. Ang gandang palusot iyan ah. Red Sea? Coward!


"Wala ka naman ngayon ah."


Na-impress ako kay Blue. May ibang lalaki kasi talaga na hindi makaintindi sa mga terms ng mga babae kapag may menstruation period. Pero siguro dahil sa sobrang exposed na siya sa mga babae, eh exposed na rin siya sa sobrang dami ng terms tungkol dun.


"Paano mo nalaman aber? Nakita mo ba ha? Meron ako uy!"


Maniwala ka na Blue!


Umuklo naman ito sa harap ko.


"Umalis ka diyan at baka matamaan ka pa kapag naisipan kong palakasin ang pag-sway nitong swing."


Pero hindi niya pinansin ang sinabi ko. Sa halip, tinitigan lang niya ako sa mga mata ng matagal. Umiwas ako ng tingin. Sobra naman kasi siya kung makatitig. Para bang inaalam talaga niya kung totoo ba yung sinabi ko o hindi.


"Takot ka ba sa dagat, Xandra?"


PAK!


"Ako? Matatakot sa dagat?" tumawa ako ng malakas. "Nababaliw ka ba?"


Shet! Observant talaga ang mokong!


"Hindi naman. Yun lang kasi ang sinasabi ng mga mata mo."


"Marunong ka na palang magbasa ng mga mata. Perfect." I said sarcastically.


"Oo. So sagutin mo ako, takot ka ba sa dagat?"


I stayed silent for how many seconds. I guess there's no use denying it.


I sighed.


"Yeah."


Akala ko pagtatawanan niya ako sa sinabi ko. Pero nakatingin pa rin siya sa akin katulad ng pagtingin niya sa akin kanina pa.


"Bakit?"


"Natatakot kasi akong malunod." mahinang pag-amin ko.


Marunong akong lumangoy. Kaya lang eh, sa swimming pool lang. Name me a stroke and I can definitely do it. Huwag mo nga lang ipagawa sa akin yan sa dagat at hindi talaga ako marunong. Para sa iba, walang difference ang pool at dagat. Pero sa akin meron. Malaki nga eh. Sa pool, kahit gaano pa kalalim yun, may dead end pa rin at safe. And madali ka lang mare-rescue kapag nalunod ka. Pero sa dagat, may dead end nga pero sobrang lalim at hindi pa talaga safe. May ibang creatures na nangangain at nangangagat ng tao ang andun. Paano kapag naisipan nilang kunin yun katawan ko at gawing hapunan?


NO WAY!


Naramdaman ko naman na hinawakan ni Blue ang dalawa kong kamay. Then he looked at me straight in the eyes.


"Tell me honestly, kung hindi ka lang takot malunod, papayag ka bang mag scuba diving kasama ko?"


Alam ko ang sagot dun.


"Yeah. I love the idea."


"Now, do you trust me na hinding-hindi ko hahayaang may mangyaring masama sayo?"


I thought about it for a second. The I realized na kahit na kakakilala lang namin dalawa, deep inside me alam kong pwede kong ipagkatiwala ang buhay ko sa kanya.


"Yeah. I trust you." mahinang sabi ko.


He smiled. And muntik na naman akong mapatulala sa kagwapuhan niya. Hindi na ata talaga ako masasanay.


Naramdaman ko naman na hinigpitan niya yung paghawak niya sa mga kamay ko. Pero hindi naman masakit. Comfortable nga sa feeling eh. Parang secured na secured ako habang hawak ni Blue ang kamay ko.


"Then will you go scuba diving with me Xandra?"


Napatulala na naman ako sa kanya. Why? Ibang klase yung way ng pagkakasabi niya nun sa akin. Para bang sa invitation na yun eh nakasalalay ang future ko. Isang maganda at makulay na future. Corny na kung corny at exagg na kung exagg, pero yun yung nararamdaman ko.


So hindi na ako nagtaka sa sagot ko.


"Yes."


He smiled at pinisil na naman niya ang ilong ko.


"Thank you, Xandra."


Pinilig ko yung ulo ko. Hindi pwede na makaramdam ako ng ganito. Sure ako na ganito din ang ginagawa niya sa mga babae niya kaya nakukuha nito ang gusto nito.


"Kaya pala maraming nagkakagusto sayo. Ibang klase naman kasi talaga ang charm mo."


Nag-iba naman ang expression sa mukha niya. Parang hindi nito nagustuhan ang sinabi ko.


"Sinasabi mo ba na nagkakagusto ka na rin sa akin?"


Agad ko siyang binatukan.


"Pwede ba? Huwag ka ngang feeling! Wala nga akong gusto sayo!"


Pero habang sinasabi ko yun, ramdam na ramdam ko na gustong magwala ng kalooban ko dahil sa sinabi ko. Wala nga ba talaga ako gusto sa kanya?


Then nakita kong nagliwanag ang mukha niya.


"Good. Basta tandaan mo na hindi ka pwedeng magkagusto sa akin. Kasi kapag nangyari yun, iiwasan talaga kita. Maliwanag?"


"OO NGA!"


Ginulo naman nito ang buhok ko.


Inakbayan naman niya ako nung papunta na kami sa room para mag-prepare.


Tinignan ko naman yung kamay niya na nasa balikat ko.


Okay. Wala naman talaga akong gusto sa kanya eh. Don't worry. Wala akong gusto sa kanya, wala akong gusto sa kanya, wala akong gusto sa kanya!


Shet!


Ang lapit-lapit ng katawan ko sa kanya. And naaamoy ko yung pabango niya. Sobrang bango. And ang ganda ng feeling habang nakaakbay siya sa akin. Ang broad ng shoulders niya. Parang ang sarap humilig dun. Shet. Bakit ba ang hot niya?


WALA AKONG GUSTO SA KANYA!


Hot lang talaga ang unggoy kaya ko ito nararamdaman. Yun lang yun!


"Uy! Xandra at Blue? Kayo na?"


Gusto kong batukan si Jen sa sinabi niya.


"Jen, tigilan mo kami ha." ang ganda naman kasing isipin na kami nga. Wait, wala nga pala akong gusto sa kanya!


"Ay Xandra. Nagtatanong lang po! Blue? Kayo na ba?"


Ginulo naman ni Blue ang buhok ko.


"Huwag mong guluhin ang buhok ko!"


"Hindi kami. Close lang talaga kami nito. Ewan ko nga kung paano nangyari yun eh. Diba Xandra?"


Bakit parang hindi ko gusto yung sagot niya?


Ginulo na naman niya ang buhok ko.


"Sinabi ng huwag mong guluhin ang buhok ko!"


Tumawa lang ito. Ang sarap-sarap pa rin pakinggap yung pagtawa niya kahit na hindi ko nagustuhan yung sinabi niya.


"Parang miracle ah. Kahapon lang eh para na kayong magpapatayan. Tapos ngayon, tsk, tsk. Ang gulo ng mundo."


"Oo nga. Sige, alis na kami Jen." sabi ni Blue.


"Saan kayo pupunta?"


"Sa drop off. Magscu-scuba diving kami."


Tumawa ng malakas si Jen.


"Nagbibiro ka ba Blue? Eh takot sa dagat yan!" tumawa na naman siya ng malakas. Haist.


"Huwag mo na ngang ipagdiinan pa!" nakakainis. Nakakahiya.


"Andito naman ako para bantayan siya eh. So ok lang. Diba Xandra?" he winked at me. Hindi na ako nakasagot.


"Sama ako!"


Nilingon ko naman si Jen.


"Hindi."


"Sungit mo Xandra! Blue, pwede ba?"


"Next time nalang kayo Jen. Kami na muna ni Xandra. Sige, una na kami sayo."


"Bakit hindi ka pumayag?" tanong ko nung nakalayo na kami kay Jen.


"Sabi mo hindi diba? Tsaka, kapag sumama siya, hindi na kita mababantayan ng maayos. And ayoko nun. Gusto kong nasa iyo lang ang attention ko mamaya."


Hindi na ako nagcomment at hindi ko na siya kinausap pa nung nagpe-prepare na kami para sa scuba diving namin mamaya.


Sinasabi niya na ayaw niyang ma in love ako sa kanya. Pero ginagawa naman nito ang mga bagay na nagbibigay sa akin ng reason para ma in love ako sa kanya.


Kung iisipin, hindi talaga mahirap mahalin si Blue. Andyan na sa kanya ang halos lahat eh. Napaka sweet, caring, thoughful, gwapo, cool, hot, sikat, and whatever. Ang dali-dali lang talaga ma in love sa kanya. Pero hindi pwede. I treasure our friendship. I wouldn't risk it ng dahil lang sa nararamdaman kong ito.


Yes, may gusto nga ako sa kanya.


But I'm not in love with him. And hindi ko hahayaan mangyari yun. Alam ko rin na kapag minahal ko siya, masasaktan lang ako. Kasi siya na mismo ang nagsabi na hindi niya kayang i-return yung love na binibigay sa kanya ng mga babaeng in love sa kanya.


Hindi ko hahayaang maging isa ako sa kanila.


And I'll do everything for me to be not one of them.


***